Mijjieh daebpene 2

49 Ov-demokratije Nöörjesne Daej jaepiej 1940–1945 ij lij Nöörjesne naan demokratije. Voerhtjen 9.:n biejjien jaepien 1940 tyskeladtjh Nöörjem låevtiejin. Muvhth askh mænngan lin abpe rïjhkesne joe. Dah tyskeladtjh lin nasisteladtjh jïh sijjen stuvremevuekie lij ov-demokratijen mietie. Dïhte diktatuvre . Hitler jïjtse almetjigujmie ektine Tysklaantem stuvri. Daelie jis sïjhti Nöörjem aaj stuvredh. Muvhth daaroeh Hitlerem jïh sov barkijidie dåarjoejin jïh dejgujmie ektine barkin. Dah lin mealtan aktene krirresne man nomme Nasjonal Samling (NS), jïh Vidkun Quisling lij sijjen juhtiehtæjja. Nasjonal Samlingen (NS) krirrie jeatjah krirride aassjoestehti. Dah reerenassem sjïere gupmiehtin, maam almetjh lin demokratihke-laakan veeljeme, jïh jïjtsh almetjidie dan orre reerenassese bïejin, maam NS jïh Quisling edtjin juhtiehtidh. Adolf Hitler jïjtse almetjidie råaka. diktatuvre stuvremevuekie gusnie akte al­ metje nænnoste gaajhkide laakide jïh guk­ tie rïjhken beetnegidie nuhtjedh Vidkun Quisling lij NS-krirrien lïhtsege jïh Nöör- jen ministerpresidente jaepiej 1942–1945.