Mijjieh daebpene 2

46 Jienebelåhkoe nænnoste Demokratije lea nimhtie, gaajhkesh eah maehtieh gaajhkem iktesth reeredh. Daamhtaj tjoeveribie barre dam dåeriedidh dam maam jienebelåhkoe lea nænnoestamme. Læjhkan edtja jienebelåhkoe unnebelåhkoen aarvojde aamhtesidie krööhkestidh. Daase lissine byörijibie mujhtedh njoelkedasside jïh laakide seatadidh. Skuvlesne dïhte rektovre nænnoste, mohte tjoevere aaj laakide seatadidh. Seammalaakan dah lohkehtæjjah jïh learohkh. Maehtiejidie muvhth aamhtesh nænnoestidh mohte byörijidie skuvlen njoelkedasside seatadidh mejtie skuvle jïh seabradahke ektesne nænnoestamme jïh jååhkesjamme. Akte mijjen dïedtijste leah saernide goltelidh guktie nimhtie åadtjodh daejredh mij dennie seabradahkesne.