Mijjieh daebpene 2

44 Gïelem veeljemidie vedtedh Gosse leah veeljemh jïh edtjieh gïelem vedtedh, dellie buerie jis gaajhkesh gïeh maehtieh mealtan årrodh, nænnoestieh gïeh dah mah edtjieh Nöörjem stuvredh. Dam darjoeh gosse gïelem vedtieh dejtie gïeh sijhtieh Stoerredægkan, Saemie­ dægkan, fylhkedægkan jïh aaj tjïeltide. Dellie leah mealtan reereminie gïeh dah mah edtjieh Nöörjen rïjhkem, Saepmiem, fylhkem jïh tjïeltide stuvredh njïelije jaepieh daestie. Nimhtie almetjh leah mealtan dam demokratijes evtiedimmiem jïh vaarjelimmiem hammoehtidh jïh baajnehtidh. Skaehtieh maeksedh Gaajhkh almetjh gïeh berkieh beetnegh dïenesjieh, edtjieh stuhtjem baalhkijste Nöörjen staatese skaehtine maeksedh. Dellie skaehtieh maeksieh. Reerenasse viht dejtie skaehtiebeetnegidie joekede guktie buerine jïh aevhkine båata gaajhkesidie Nöörjesne. Jis mij joem sjïdtele, almetje skïebtjeje jallh barkoem dassa, dellie viehkiem daarpesje. Dam viehkiem åådtje dejstie almetji skaehtiebeetnegijstie. Lïeredh Lïeredh lea dïhte dïedte mij eeremes daerpies aktene demokratijesne. Jis mijjieh edtjijibie maehtedh buerie seabra­ dahkem jïh demokratijem gaajhkesidie vaarjelidh, dellie eeremes daerpies lïeredh lohkedh jïh tjaeledh. Dellie maehtiejibie bïevnesh, dïjrh lohkedh jïh jïjtjemh aarvoeh jïh mïelh åvtese jeatjabidie buektedh jïh tjaeledh. Dannasinie daerpies mijjieh lïerijibie guktie Nöörjen seabradahke jïh demokratije juhtieh. Dannasinie learoe daerpies. Daerpies learoe aalka dan jaepien gosse maana govhte jaepieh illie jïh orreje dan jaepien Gaajhkesh dovnesh gïej leah reaktah jïh nuepieh, edtjieh åadtjodh gïelem vedtedh gosse veeljemh leah. Jïjnje buerie ööhpehts ålkene.