Mijjieh daebpene 2

43 Demokratijes dïedteh Demokratijesne leah reaktah gaajhkesidie gïeh Nöörjesne veasoeh. Mohte jis seabradahke edtja buerine gaajhkesidie sjïdtedh, dellie byöroeh aktene demokratijesne aaj naan dïedteh årrodh. Daah leah: • Laakide jïh njoelkedasside seatadidh • Gïelem veeljemidie vedtedh • Skaehtieh maeksedh • Lïeredh • Dïedtem vaeltedh Laakide jïh njoelkedasside seatadidh Stoerredigkie leah laakide nænnoestamme, mejtie gaajhkesh dovnesh edtjieh seatadidh. Gosse gaajhkesh dovnesh dejtie laakide jïh njoelkedasside seatadieh, dellie seabredhjieleme buerine gaajhkesidie sjædta. Geervealmetjh dejtie sïejhme laakide debtieh, mejtie mijjen fierhtenbeajjetje jieliemisnie daarpesjibie. Kaanne datne aaj naan laakh dabth? dïedteh maam joem seabradahke vuarta datne edtjh darjodh, daejredh jïh seatadidh