Mijjieh daebpene 2

34 Laavenjassh Ohtsije Lohkh tjåenghkies-tjaalegem 32:ene sæjrosne jïh vaestedh. 1. Mij lea monarkije? 2. Gïeh edtjieh Nöörjen rïjhkem stuvredh? 3. Mij lea reerenasse? 4. Mij lea Saemiedigkie? 5. Mij lea saemiedigkieraerie? 6. Maam edtja saemiedigkieraerie darjodh? 7. Mij lea Saemiedigkien bijjemes orgaane? 8. Man gellien aejkien åejvietjåanghkoeh leah aktene jaepesne? 9. Maam åejvietjåanghkosne darjoeh? Darjoje 1. Gusnie dah gïeh Nöörjem reerieh? 2. Gïeh dah gïeh Nöörjem reerieh? 3. Mij Saemiedigkien vihkielommes barkoe? 4. Gåessie Saemiedigkie tseegkesovvi? 5. Gïeh dah gïeh saemiedigkieraeresne? 6. Soemesne jïh Sveerjesne leah Saemiedigkieh. Ohtsedh bïevnesh dej bïjre. 7. Saemiedigkien leah vïjhte moenehtsh. Mah dah? 8. Darjoeh boelhkesïevem jïh mïerhkesjh gaajhkide maadth-låhkojde mah daennie kapihtelisnie moenesovveme. Soptsesth dle aaj mij deahpadi. Darhkije 1. Nöörje lea monarkijes stuvremevuekie. Mij stuvremevuekide lea jeatjah rïjhkine Eurovpesne? 2. Vuartesjh mij dennie nedtesijjesne tjåådtje: stortinget.no Ohtsedh jïh vaestedh gyhtje­ lasside. Gie lea Nöörjen staateministere? Nååts göölemeministere? Man gellie saadth­ almetjh dov fylhkeste Stoerredigkesne? Gïeh dah? Gie dïhte voestes veeljesovveme nyjsenæjja Stoerredægkan jïh gåessie dahkoe veeljesovvi? 3. Vuartesjh mij dennie nedtesijjesne tjåådtje: kongehuset.no Ohtsedh guvvieh jïh bïevnesh Nöörjen Gånkafuelhkien bïjre. Soptsesth jeatjabidie jïh vuesehth. 4. Vuartesjh mij dennie nedtesijjesne tjåådtje: samediggi.no Ohtsedh jïh vaestedh gyhtjelasside: Gïe dïhte saemiedigkiepresidente lea? Nååts Saemiedigkien mubpienåvtehke? Gïe dïhte dam orre saemiedigkiem byjjes­ laakan geehpehti jaepien 2000? Gïeh lægan dam jïjtjehke saemiedigkien bægkoem guvviedamme jïh hammoedamme? Minngemes saernieh jïh deahpanimmieh Saemiedigkeste? Guvvedh Saemiedigkien symbovlem. 5. Goerehtidie jïh digkiedidie: Maam dam Saemiedigkie dorje, guktie gïele edtja govledh jïh vååjnedh dennie seabradahkesne?