Mijjieh daebpene 2

33 Laake jïh reaktah Gaajhkh dah Nöörjen laakh dennie Nöörjen laakegærjesne tjåådtje. Laakh fïerhten tseahkan seabradahkesne dorjesovveme. Jis ij laakide seatedh, dellie meadtoehkinie bïeljelåvva. Politije aamhtesem goerehtieh jïh vierhtiedieh, mejtie edtjieh meadtoehkinie bïeljelidh dïhte gïe meadteme. Dïhte guhte meadtahtalleme, dan aamhtese dellie digkien gåajkoe jåhta. Dennie digkesne edtjieh gaajhkesh dovnesh åadtjodh soptsestalledh, jååhkesjidh jïh vuesiehtidh dammaam sijjieh aamhtesen bïjre daejrieh. Digkesne vaarjelæjjah jïh politije aamhtesem gïetedellieh. Gosse dellie leah dïerhkesjamme, digkiedamme, laakegærjam lohkeme, dellie maehtieh dah dåapmerh båetedh dööpmedh. Jis almetje ojhte meadtahtalla, dellie hov sjïehteleslaakan bysvesåvva. Gosse maana laakese meadta Ij leah Nöörjesne luhpie maanide mah nuerebh 15 jaepijste bæsvodh. Destie maahta guarkedh, dïhte vöölemes kriminaale aaltere Nöörjesne lea gosse 15 jaepien båeries. Jis maana, mij lea nuerebe 15 jaepijste, myödte, dellie maana altese eejhtegigujmie liktemeraaran seedtesåvva. Debpene maana åådtje dejnie gaavnedidh, mïsse lea meadteme. Likte­ meraeresne almetjh gïeh soptsestallemem juhtiehtieh jïh viehkiehtieh aamhtesem tjuevtedh. Tjoevere töölledh bysvesovvedh, gosse lea laakese meadteme. Digkie dïhte mij nænnoste, mejtie edtja dööpmesovvedh. Bysvehts lea aaj roestegåetesne tjahkasjidh, meadtaj jallh refusjovnen åvteste maeksedh, jallh seabradahken åvteste boelhketjem barkedh . Meadtahtalleme, lea gosse ij laakijste pryjjedh. Laake tjïelkeslaakan jeahta ij leah luhpie vg. sualadidh. Dïhte gie dellie sualede, laakese meadta. Dïhte gïe, laakese meadta jïh dellie meadtoehkinie sjædta. laakegærjesne, laakegærja gærja gusnie gaajhkh rïjhken laakh tjåadtjoeh seabradahken barkoe barkoe mij lea aevhkie seabradahkese vuesiehtimmien gaavhtan tjoejkeme- jïh skovter- laategidie mïerhkesjidh meadtoehkinie, meadtohke dïhte gie laakese meadteme Laake jïh reaktah • Tjåenghkies-tjaalege