Mijjieh daebpene 2

Gånka, Stoerredigkie jïh Saemiedigkie • Tjåenghkies-tjaalege Monarkije Nöörjesne lea monarkiije. Dellie lea nimhtie, mijjen leah gånka gon trööhnegh. Nöörjesne gånka dïhte gïe rïjhken bijjemes åvtehke eevre sïelebiejjien raajan. Gånka jïjtse fuelhkine ektesne bissiebiejjiej jïh gosse mij joem Nöörjen rïjhkesne deahpede. Muvhtene aaj ålkoerïjhkide fealadieh, Nöörjen gaavhtan dellie berkieh. Stoerredigkie Stoerredigkie lea Nöörjen bijjemes nænnoestæjja institusjovne. Dïsse gaajhkh Nöörjen saadthalmetjh tjåanghkenieh, mejtie rïjhken almetjh leah dohkoe veeljeme. Dah edtjieh Nöörjen rïjhkem stuvredh. Dellie tjoeverieh laakh tseegkedh jallh jeatjahtehtedh guktie gaajhkesidie hijven sjædta Nöörjesne veasodh. Dah edtjieh aaj nænnoestidh guktie Nöörjen beetnegidie nuhtjedh. Reerenasse Reerenasse leah staateministere jïh sov barkoe­ guejmieh. Dah voejhkelieh aamhtesh evtiedidh guktie Nöörje sjædta guktie stoerredigkie lea nænnoestamme. Stoerredigkie nænnoste dam maam reerenasse åvtese buakta, jïh reerenasse edtja aaj vuartasjidh mejtie seabradahke laaki jïh njoelkedassi mietie juhtieh, mejtie Stoerredigkie lea nænnoestamme. Nöörjen Saemiedigkie Nöörjen saemiedigkie lea saemiej gïeleguedtije jallh orgaane. Nöörjen Saemiedigkesne 39 saadthalmetjh , giejtie saemieh jïjtjh leah dahkoe veeljeme. Dah saadthalmetjh veljieh gïe edtja presidentine sjïdtedh, mohte sïejhmemes dïhte guhte presidentine sjædta, lea dehtie krirrijste, mij jeenemes dejstie saemien gïelijste åådtjeme. Presidente lea dïhte Saemiedigkien bijjemes åvtehke. Nöörjen Saemiedigkien bægkoe Karasjohkesne lea. Nöörjen saemiedigkieraerie Presidente jïh sov barkoeguejmieh saemie­ digkieraeresne leah. Saemiedigkieraerie edtja geehtedidh mejtie Saemiedigkie buektehte dejtie saemiedigkien aajkojde tjïrrehtidh. Dellie edtjieh nænnoestidh guktie beetnegidie bööremeslaakan nuhtjedh. Saemiedigkien aajkoeh, dovne saemiengïelem, saemien kultuvrem jïh saemien jieliemasside evtiedidh. Åejvietjåanghkoe Åejvietjåanghkoe Saemiedigkien bijjemes orgaane, jïh lea njeeljh jaepien. Åejvie­ tjåanghkose 39 åålmehveeljesovveme saadth­ almetjh tjåanghkenieh. Goh åejvietjåanghkosne lea aamhtesidie dïerhkesjamme jïh digkie­ dalleme, dellie gïelem vedtieh. Jïenebelåhkoe hov nænnoste guktie minngemes sjædta. Åejvietjåanghkosne edtja aaj Stoerredigkien aamhtesi bïjre gaskestalledh, mah saemide jïh saemien dajvide vihkele. saadthalmetje saadthalmetjh leah åålmegi gïeleguedtije. Almetjh leah sijjiem saemiedægkan veeljeme. jieliemasse, jïelege bïerkenimmieh vuesiehtimmien gaavhtan: laanteburrie, båatsoe, gööleme 32