Mijjieh daebpene 2

30 Bysvehts Bysvesåvva gosse lea laakese mïedtelamme. Akte dejstie bysvehtijstie lea roestegåetesne tjahkasjidh jallh meadtaj åvteste maeksedh jallh böötedh. Muvhtene gosse strååffelosta, dle tjoevere seabradahken åvteste boelhkem barkedh. Sïejhmemes gosse meadtahtalleme, dellie nænnoestieh man guhkiem bysvesåvva, man guhkiem edtja roestegåetesne tjahkasjidh, barkedh, jallh man jïjnjem edtja meadtaj åvteste maeksedh. Man åvteste almetjidie bæsvodh gosse lea laakese meadteme? Jïjnjesh hov utnieh gosse laakese meadteme dle byøroeh bysvesovvedh. Naakenh jis jiehtieh ij leah aevhkie læjhkan almetjidie bæsvodh. Dïsse mïsse lea meadtahtalleme, ij maehtieh læjhkan bueriedidh jïh ij mïsse dellie aevhkine satnem bæsvodh. Åajvaladtjh sijhtieh bysvehtsigujmie vuesiehtidh meadtoehkidie jïh dujtie gïeh ussjedieh miedtedh, ahte destie ij mij aevhkie båetieh. Laakide edtja seatadidh. Dïhte gie laakese meadteme, byöroe aaj dåastoehtidh dam maam destie båata. Bysvehtsh edtjieh aaj mubpide beltedh, guktie aelkieh laakide seatadieh. Nimhtie seabradahke voejhkele dejtie meadtoehkidie dej meadtajgujmie orrijidh, guktie aelhkieh dejtie laakide buerebelaakan seatadidh. roestegåetesne; roestegåetie faangkegåetie geeremegåetie