Mijjieh daebpene 2

24 Laake jïh reaktah Nöörjen Stoerredigkie leah laakide nænnoestamme, mejtie gaajhkesh dovnesh edtjieh seatadidh. Dejtie maahta aktene jassijes rööpses laake­ gærjesne lohkedh. Laakh aevhkine seabradahkese, guktie nimhtie öörnegisnie sjædta. Dah edtjiehalmetjidie vaarjelidh, guktie eah daarpesjh bahhas jïh vaejvies dahkoeh dabtedh. Dah laakh leah fïerhten tseahkan dorjesovveme mij seabradahkesne. Fïereguhte tjoevere jïjtje goerehtidh mij luhpie, jïh mij ij leah. Jis ij laakem dåarjelh, jallh jis ij daejrieh mij luhpie jïh mij ij leah luhpie, dle sååjhtoe Digkien uvte tjåadtjodh. Goh aamhtese politijese bïeljelovveme, dellie politije aamhtesem goerehtieh jïh tjaelieh gie meadtahtalleme, jïh gïen skåltoe lea. Aamhtese dellie digkesne aalka jårredh. Dennie digkesne edtjieh goerehtidh mejtie almetje lea meadtahtalleme, jallh mejtie ij leah. Satne gie politijese bïeljelovveme, maahta aktem vaarjelæjjam dan digkien gåajkoe mealtan vaeltedh. Vaarjelæjja edtja dam almetjem vaarjelidh. Dennie digkesne edtjieh gaajhkesh dovnesh åadtjodh soptsestidh, dam maam aamhtesen bïjre daejrieh. Poli­ tijeh edtjieh vïhtesjidh, maam sijjieh leah aamhtesen bïjre gaavneme. Muvhtene lea nimhtie, jeatjebh aaj maam joem aamhtesen bïjre daejrieh. Dah Dægkan vihtenjinie gohtjeduvvieh. Nöörjen laakh daennie jassijes rööpses gærjesne tjåadtjoeh. digkesne; digkie sijjie gusnie aamhtesem digkiedellieh jïh aaj goerehtellieh mij dïhte saatnanlea