Mijjieh daebpene 2

22 Nöörjen stoerredigkie jaepien 1978 næn­ noesti edtji Álttá-Guovdageainnujeanoem baadtehtidh. Tjaetsijste maahta naa jïjnjeel- njuvviem almetjidie buektedh jïh jeatjah rïjh­ kide el-njuvviem doekedh. Ij lij reerenasse måjhtajamme, luhpiem saemijste jïh jeatjah almetjijstie gihtjedh gïeh lin dellie Álttá jïh Guovdageainnun dajvesne veasoeminie. Båatsoesaemieh, giej lin gåatomh dejnie dajvine, eatnemevaarjelæjjah, saemien organisasjovnh jïh jeatjah seatadæjjah tjuerpieslaakan dam vuastaladtin. Såamesh giedtjh vöölkin Oslovasse, låavthgåetiem Stoerredigkien ålkoebealan tseegkin. Dah ovmessielaakan vuesiehtin, ahte idtjin dåhkesjh dam maam lin nænnoestamme jïh nimhtie aaj åajvaladtjide vuesiehtin, byöroejin dam aamhtesem jarkelidh. Saemieh Stoerredigkien uvte tjåanghkenin. Nimhtie sïjhtin åajvaladtjide vuesiehtidh, idtjin dåhkesjh dam maam politihkerh leah nænnoestamme guktie eatne- mem jïh tjaetside saemien eatnamisnie reeredh. Álttá-Guovdageainnujeanoem baadtehtin – Saemiedigkien aalkoe