Mijjieh daebpene 2

19 Saemiedigkieraerie Saemiedigkiepresidente dejtie saemie­ digkienraerien lïihtsegidie veeljie. Dah ektesne dam saemiedigkieraeriem tseegkie, jïh presidente dïhte gie dam raeriem juhtehte. Saemiedigkieraerie lea barre goh Saemiedigkien reerenasse. Dah edtjieh saemien seabradahkem evtiedidh nimhtie guktie veeljijidie dåajvoehtamme. Dah edtjieh aaj beetne­ gidie joekedidh maam Stoerredigkie laevehte. Muvhth beetnegh dan saemien­ gïelen åvtanæmman jïh vaarjelæmman sirtesuvvieh. Dah vytnesjæjjah beetnehdåarjegem Saemiedigkie­ raereste åadtjoeh vætnoeh evtiedidh jïh aaj almetjidie bïhkedidh guktie vytnesjidh. Dah gærjabertemh åadtjoeh beetnehdåarjegem learoevierhtieh darjodh, vuesiehtæmman daam gærjam. Saemienmeedijh beetnehdåarjegem saemien saernide, aamhtesidie åadtjoeh jïh edtjaaaj saemienpolitihkem saemide åvtese buektedh, duejtie giejtie saemien seabredh-aamhtesidie seatadieh. Saemiedigkieraerie edtja aaj dåarjomi njoelkedassh evtiedidh mejtie åejvietjåanghkosne lea nænnoestamme. Sijjen dïedte lea dïhte fïerhtenbeajjetje politihke darjoemidie juhtiehtidh. Saemiedigkieraerie 2013–2017. Gårroeh bieleste Ann- Mari Thomassen, BjørnThomas Åhren, Presidente Aili Keskitalo, Henrik Olsen jïh Silje Karine Muotka.