Mijjieh daebpene 2

17 Reerenasse Dejtie Reerenassen lïhtsegidie ålkoe­ rïjhkeministerinie, ööhpehts-ministerinie jïh beetneh-ministerinie gåhtjoejibie jnv. Staate-ministerem jïh sov barkijidie mijjieh reerenassine gåhtjoejibie. Nöörjesne dïhte staateministere jeene­ massem nænnoste. Staateministere govle­ såvva jeenemes aejkien dan politihke­ krærran , mij dejtie jeenemes gïelide åådtje dennie stoerredigkieveeljemisnie. Nöörjesne hov gidtjh jïjnjh staate­ ministerh orreme. Reerenasse sijjen vuajnoem jïh aajkoem åvtese buakta. Dïhte mubpide raereste guktie dah orre laakh edtjieh årrodh jïh guktie dejtie orrestidh jallh jeatjahtehtedh guktie buerebe sjædta almetjidie daennie seabradahkesne veasodh. Stoerredigkie laakide dåhkesje. Reerenasse edtja vuartasjidh mejtie seabradahke juhtehte daejtie laakide mejtie Stoerredigkie dåhkasjahteme jïh nænnoestamme. Ij staateministere dam rïjhkem ajve oktegh stuvrh. Edtja aaj barkijidie veeljedh, dovne nyjsenæjjah jïh gaarmanæjjah, gïeh edtjieh fïereguhtem suerkiem stuvredh. Dagkeres barkijem mijjieh staateraerine gåhtjoejibie. Muvhth staateraerieh ålkoerïjhkeaamhtesidie stuvrieh, mubpieh jis ööhpehts- aamhtesidie jïh naakenh dejtie beetnegidie stuvrieh. Gånka reerenassine fïerhten bearjadahken tsåahka11 gaavnede. politihke krærran; politihke krirrie politihke dåehkie jallh siebrie, gusnie almetjh jeenemes aamhtesi bïjre sïemes aajkoem; aajkoe dam maam galkajïh sæjhta darjodh åssjele dam maam galka jïh sæjhta darjodh