Mijjieh daebpene 2

16 Guktie Stoerredigkie jåhta Stoerredigkien vihkielommes barkoe lea laakide gïetedalledh. Reerenasse raereste guktie orre laakh edtjieh sjïdtedh jïh åvtese orre laakejarkestimmieh buakta. Stoerredigkien saadthalmetjh digkiedieh jïh dle gïelem vedtieh. Goh Stoerredigkie lea laakem jååhkesjamme, dellie gånkan gåajkoe seedtesåvva, gie aaj jïjtse nommine jååhkesje. Stoerredigkie fïerhten tjaktjen tjåanghkene digkede mïsse edtjieh beetnegidie nuhtjedh. Eah leah iktesth latkjes guktie staate edtja beetnegidie bööremeslaakan joekedidh. Minngiegeatjan dle raeriestieh guktie nasjonaale budsjehte edtja sjïdtedh. Saadthalmetjh dellie gïelem vedtieh, jïh minngiegeatjan Stoerredigkie budsjehtem jååhkesje. Gaajhkesh dovnesh tjoeverieh dellie dam jeenbelåhkoen nænnoestimmiem dåhkasjehtedh. Gaajhkh Nöörjen veasojh edtjieh skaehtiem Nöörjen staatese maeksedh. Stoerredigkie edtja nænnoestidh mïsse dejtie beetnegidie nuhtjedh. Muvhtene dejtie beetnegidie skuvlide, maana­ gïertide, skïemtjegåetide, voeresigåetide, orre geajnojde, ovmessie meedijidie jïh byjresasse joekedieh. Stoerredigkie edtja aaj vuartasjidh mejtie reerenasse barka guktie Stoerredigkie lea stilleme. reerenasse staateministere jïh sov barkijh nasjonaale budsjehte dennie nasjonaale rïjhken budsjehtesne tjåådtje guktie Stoerredigkie galka beetnegidie båetijen jaepien nuhtjedh Stoerredigkie tjåanghkene digkiedalledh.