Mijjieh daebpene 2

15 Stoerredigkie Stoerredigkie Nöörjen bijjemes institusjovne. Desnie dah gïeh stuvrieh jïh Nöörjesne nænnoestieh. 169 politih­ kerh dennie Stoerredigkesne jïh dah rïjhken åålmegistie veeljesovveme. Dejtie stoerredigkiesaadthalmetjinie gåhtjoejibie. Stoerredigkie dïhte mij nænnoste guktie rïjhkem juhtiehtidh jïh stuvredh. Almetjh Nöörjesne byöroe 18 jaepien båeries årrodh jallh båarasåbpoe jïh Nöörjen staatenveasojne årrodh aarebi goh maehtieh gïelem vedtedh. Fïerhten nealjeden jaepien veeljeme lea. Dah politihke krirrieh mah jeenemes gïelh åadtjoeh, åadtjoeh dellie jeenemes saadthalmetjh mealtan Stoerre­ dægkan. Krirrieh, giej leah jeenemes saadthalmetjh , dejtie dellie aelhkebelaakan sjædta jïjtsh aamhtside tjïirrehtidh Stoerredigkesne. Gånka dïhte Stoerredigkien orre barkoejaepiem voestes aarkebiejjien golken asken geehpehte. Dellie Gånka hååle, maam kråvnoehåaloeminie gåhtjoejibie. saadthalmetjh politihkerh, giejtie almetjh leah veeljeme Stoerredægkan jïh Saemiedægkan aarkebiejjien; aarke­ biejjie barkoebiejjie Stoerredigkie Oslovisnie.