Mijjieh daebpene 2

Laavenjassh Ohtsije 1. Gïeh aalkoevisnie Åarjel-Amrïjhkesne veasoejin? 2. Man åvteste spaanskegïele jïh Portugaalen gïele dah byjjesgïeline Åarjel-Amrïjhkesne sjïdteme? 3. Man åvteste jalkadahkine gåhtjoejieh? 4. Man åvteste laantebarkijh sijhtieh staaride juhtedh? Darjoje 1. Vuartesjh saernide jïh mïerhkesjh kaarhtese gubpede saernieh Åarjel- Amrïjhkeste båetieh! 2. Lïerh naan baakoeh spanskegïeleste! Vuesiehtimmien gaavhtan: buerie biejjie, mov nomme lea, Guktie dov nomme?, manne leam… jaepien båeries, låhkojde, man båeries datne?nïejte, påajke, jnv. 3. Maya-åålmegh veaskojde gurrieh mejtie turistide duekieh. Veaskoej leah jïjnje tjaebpies klaeries laejkieh. Darjoeh dle datne aaj dagkeres veaskoem! 4. Ohtsedh bïevnesh jïh guvvieh Internehteste Maya-åålmegi bïjre! Soptsesth dle jeatjabidie maam leah gaavneme! Darhkije 1. Veeljh aktem rïjhkemÅarjel-Amrïjhkesne. Ohtsedh daajroeh jïh bïevnesh rïjhken bïjre jïh mohtedh dam jeatjah rïjhkigujmie, mah seammalaakan jïh mah joekehtslaakan. (gånka, staateministere, eatneme, daelhkie, barkoeh, Maam dam jeatjah rïjhkide duekieh, stööremes johkh, jillemes tjahke, stööremes staarh, turiste-dajveh, eejehtsdarjoemassh, guvvieh, vaajese, musihke, saevege, beetnegh, areaale, almetjelåhkoe, jaahkoe, aalkoeåålmegh jnv.) 2. Jïjnjh rïjhkh Åarjel-Amrïjhkeste leah aarebi Eurovpen kolonijine orreme. Vuartesjh magkeres rïjhkh dah lin, jïh magkeres Eurovpen rïjhkide dah govlesovvin jallh annje govlesuvvieh. 3. Vuartesjh kaarhtem/Atlasem, moenh dejtie rïjhkide mah leah goh “pruvvie” Noerhte- jïh Åarjel-Amrïjhken gaskesne. 4. Panama-kanaalem leah almetjh dorjeme. Ohtsh bïevnesh jeatjah gaaltijistie jïh tjaelesth dan bïjre; gåessie, guktie, man åvteste jïh gïeh dam darjoejin! 145