Mijjieh daebpene 2

144 Åarjel-Amrïjhken noerhtelen jïh åarjelen leah stoerre mearoeh. Gaskemearoe noerhtelisnie jïh Sjaevehtsmearoe åerjielisnie. Mearojne leah jïjnje guelieh. Åarjel-Amrïjhkesne naa gööles mearoeh. Jeenjemes almetjh staarine veasoeh, barre goh almetjh Nöörjesne veasoeh. Badth naa jïjnjesh gyöfehke leah, nåake gåetine årroeh jïh jællan beapmoeh utnieh. Staari ålkolen laanteburrieh veasoeminie, giej leah eatnemebarkijh. Eatnemebarkijh laanteburriej åvteste berkieh, gïeh eatnemem eekieh. Eatnemebarkiji baalhka daamhtah dan nåake, jïh jïjnjesh sijhtieh dellie staaride juhtedh buerebe barkoem gaavnedh. Åarjel-Amrïjhkesne leah dovne almetjh, mej leah maadtoe Eurovpeste, aalkoe­ åålmegh jïh ruhtjehke/tjååhpehke almetjh. Aalkoeåålmegi maadtoe lea Aasijistie. Dah lin joe Åarjel- Amrïjhkesne dellie goh dah kolonisth böötin. Dah ruhtjehke/tjååhpehke almetji maadtoe lea Afrïjhkeste. Gullie Argentijnesne. Kakaove-böönnah mah edtjieh sjokolaadine sjïdtedh. Machu Picchu lea dovletje baeliej inkastaare Andes- vaerine, mestie almetjh jåhteme. laantebarkijh almetjh gïeh eatnaminie berkieh ruhtjehke/tjååhpehke almetjh almetjh giej leah ruhtjehke/tjååhpehke njaltje