Mijjieh daebpene 2

142 Åarjel-Amrïjhkesne leah dovne sååfergh jïh saadtergh, goelpenh jïh jalkadahkh jïh jïlle tjahkh. Åarjel-Amrïjhken såafoe lea eatnemen stööremes. Amazonasen­ jeanoe dagkoe galka. Sååferge dan mïerele, guktie ij buektehth dam eatnemem girteste vuejnedh. Muvhtene sijjesne maahta onnem vuejnedh. Sååjhtoeh aalkoeåålmegh debpene veasoeminie. Saadterge lea Atacamangearkeskinie Chilesne. Debpene vaeniem obreme daej minngemes 400 jaepiej. Dejtie jalkadahkide pampasinie gåhtjoejibie. Pampasidie seejieh jïh sjïdtehtieh dovne kakaovem, prïhtjegem jïh banaanh mah abpe veartanasse foeresjieh. Muvhtene pampasinie jïjnjh kreekh gåatoeminie. Dejtie kreeken-bearkojde aaj Eurovpese foeresjieh. Pampasah leah dan stoerre jïh vijrenohke, guktie dah reajnoemaennieh tjoeverieh hierkiejgujmie dejtie kreekide ryöjnesjidh. Baektie Kapp Hornesne. Kapp Horn lea Åarjel-Amrïjhken åarjemes njaarke. Noerhtene Åarjel-Amrïjhkesne, bïjvele jïh tjaebpies saadteskh. Åarjel-Georgije lea såålen åarjelgietjesne, Åarjel-Amrïjhkesne. Aalkoeåålmegh kroenesaath sjïdtehtieh jïh vætnoeh vytnesjieh, mejtie staarine duekieh.