Mijjieh daebpene 2

128 Aasije lea “låvnadahke“ . Aasije lea dïhte stööremes gaajhkede eatnemeboelhkijste jïh mahte bielie eatnemen almetjijstie Aasijisnie veasoeminie. Daej almetji gaskesne leah aaj ovmessie aalkoeåålmegh gïeh dovne noerhtine jïh åarjene veasoe­ minie. Maahta jiehtedh Aasijisnie leah jïjnjh ovmessie seabradahkh, gïelh jïh kultuvrh. Aasije lea polar-mearoen noerhtelen jïh lea eevre ekvaatoren åarjelen. Aasijen noerhtemes eatnemeboelhken nomme lea Sibijre. Jeenemes daebpene leah russereh, jallh Roessjen/Russlaanten aalkoeåålmegh, dannasinie Sibijre Roessjese govlesåvva. Jïjnjesh dejstie leah Eurovpen bealan jåhteme. Polar-mearoen lïhke dan tjåetskeme, galmes guktie barre dïhte bijjemes eatneme, giesege beavla. Dam perma-baajkojne gåhtjoejibie. Debpene barre sïerkestahkh , vesjnjieh jïh smaave sjædtoeh. Åarjene leah aaj beetsehkh, råhtoeh jallh gåehtsuve moerh maam taigine gåhtjoejibie. Aasije – Låvnadahke sïerkestahkh vesjnieh, båskoeh vuelegs smaave moeretjh