Mijjieh daebpene 2

104 Almetjh såafojde fïerten biejjien vïerteledtieh Såafojne leah joekoen moerh, mejstie fabrihkh maehtieh jïjnjh tjaebpies ståapoeïebnh veedtjedh. Dannasinie muvhtesh moeride tjuehpieh jïh dejtie ståapoe-eekeindustrijese duekieh jïh nimhtie beetnegh dïenesjieh. Eatnamasse almetjh jeananieh, jïh almetjh jïjnjebh bearkoeh daarpesjieh. Dellie tjoeverieh såafojde tjoehpedh, guktie gåatomem kreekide vijriedidh. Stoere staarh jïh voenh, ruevtiegeajnoeh, geajnoeh jïh johkh, mah såafojne daarpesjieh. Dellie tjoeverieh vïerteladtedh, guktie nimhtie sijjiem dagkaridie laetjedh. Jis nimhtie sjædta, dellie aalkoeåålmegh jïh sij­ jen maahtoeh gaarvanieh jïh daah sååfergh gaertjieduvvieh jïh minngiegeatjan gaarvanieh. Sååferginie lea bïjvele, åavroe. Debpene dïhte ebrie varki bæjjese alman ruehkeste, balvine sjædta. Balvh jååskehtieh, jïh dle viht obreje. Jis dah sååfergh gaarvanieh, dellie ij vielie debpene åbroeh, dellie abpe eatneme jïh elmie bïjvelåbpoe jïh gejhkebe sjædta. Dah dotkijh soptsestieh, dannasinnie dïhte temperatuvre eatnamisnie sagki bïjvelåbpoe daelie. Stuhtje daehtie trovpeles såafoste lea vïerteladteme, goh daagkoe ussjedamme geajnoe. Borneose. Penan-åålmegh dam såafoetjoehpemen jïh plantasje-tseegkemem vuastaladteminie, mejtie sijjen veasomedajvese ussjedamme.