Mijjieh daebpene 2

103 Kraavhtsem ovmessie jaavvojste jurjiehtieh, mejstie palme-moerijste veedtjieh. Palme-moerijste fijperh åadtjoeh, mejtie olkese beenghkieh. Fijperidie jievegen nïlle biejieh, jïh dejtie daltestidh gosk fijperh destie våålese gehtjieh. Dejstie dellie tjaetsine pleentedh jïh eensilaakan skuvlestidh. Gosse gajhkedamme lea, dellie jaavvojne sjïdteme. Dejnie dam kraavhtsem jurjiehtieh. Dovletje baelijste lïereme magkeri sjædtoejgujmie maahta prevensjovnine nuhtjedh. Jïh aaj magkeres daalhkesh buerie baenie-jïjlemi, åejjiesaejrehtsen jïh njaltjefiejliej vuestie nuhtjedh. Aejlies sjædtoeh aaj utnieh, mejtie dej isveligs aajmoej vuestie vaarjelidh jïh aaj dam vijremem bueriedidh. Gåetiej ïebnigujmie bigkieh, mejtie såafosne gaevnieh. Dejtie bigkieh jassijes tjoelti nïlle guktie gïermesjh eah edtjh gåatan baahtsedh jallh dolve johkh gelkieh jïh gåetieh nimhtie deab­ poeh. Nimhtie eah dah gåetieh dan varki lovvhgosse råanja. Nimhtie almetjh jïjtjemh dan jieliemasse sjïehtesjamme jïh lïereme såafosne bïerkenidh. Stoerre moerijste maahta vïnhtsh darjodh, mejgujmie johkereejki sovhkedh. Gåetie mij tjoelti nelnie. Peru. Amasovnesne. gåetieh ståapoeh tjoelth moerh mejtie sjiehteles jallojde sååkesjamme jïh sjïehtesjamme dolve johkh johkh dulvine