Mijjieh daebpene 2

10 Faamoe golmen boelhkese spyölhkesamme. Dah gïeh Nöörjesne nænnoestieh, leah golmen boelhkese spyölhkesamme. Dïhte buerie, dannasinie ij leah buerie gosse gaajhke faamoe akten institusjovnese jallh akten almetjasse tjåanghkene. Akte boelhke daehtie faamoste leah dah Stoerredigkien politihkerh , giejtie almetjh leah veeljeme. Reerenasse dejtie laakide jïh laakejeatjahtehtemidie evtiedieh, jïh dle edtjieh dah politihkerh dejtie orre laakide jïh laakejorkesimmide dåhkasjehtedh jallh sliejhtedh. Stoerredigkien politihkeri lea faamoe nænnoestidh. Mubpie boelhke lea reerenasse. Dah edtjieh vuartasjidh mejtie dah orre laakh jïh laakejorkesimmieh seabra­ dahkesne juhtieh guktie ussjedamme. Gånka dam orre laakem jååhkesje jïh reerenassen lea dellie laakefaamoe . Gåalmede jïh minngemes boelhke lea dïhte dåapmoe­ stovle. Dah edtjieh laakem vuartasjidh jïh destie gaavnedh jïh laejhtedh gïen lea reaktoe jallh fåantoe, jis almetjh aelhkieh traakestidh. Ij leah Nöörjen Saemiedigkien naan faamoe jeatjahtehtedh jallh jarkestidh Nöörjen laakide, badth lea goh raeriestæjja orgaane Stoerredægkan. Stoerredigkie jïh reerenasse edtjieh Nöörjen Saemiedigkiem aarvojne utnedh jïh Saemiedigkie edtja åadtjodh jïjtse vuajnojde åvtese buektedh aarebi goh Stoerredigkie dejtie orre laakide jallh laakejarkestimmide jååhkesje. almetjh traakestieh gossealmetjh ovgodtske 1 sjidtieh. 1 uenig Faamoe golmen boelhkese juakasovveme