Mijjieh daebpene 1

97 dïhte baalka dubpene, Maarja jeehti jïh tjuvtjiedi. – Månnoeh maehtiejægan voejhkelidh, gujht manne aaj jaahkam ahte tjuara dubpene, Piere mietiehti. Dellie dah guaktah viht eelkigan vaedtsedh, men idtjigan naan baalkam vueptesth. Ånnetji mænngan Piere tjåarvoeji: – Gïehtjh, dusnie lea garhkebiesie!! – Nåå, jis dïhte lea garhkebiesie, dellie maa? Maarja gihtji. – Dellie gujht daajram gusnie åarjene, Piere aavone vaestiedi. – Guktie dam daajrah, ij goh dïhte ajve sïejhme garhkebiesie? Maarja sjoehkedi. – Manne leam skuvlesne leareme ahte garhkebiesie eejnegen lea åarjese, biejjien vööste! Dellie lea åarjene dubpene! Ij goh dohkoe gusnie månnoeh mïnneminie. Dellie båetieh Maarja! Månnoeh edtjien don vaerien vööste vaedtsedh, dellie båetien viht dov gåetien lïhke, Piere aavone jeehti. Gosse lægan boelhkem vaadtseme , dellie viht baalkam gaavnigan jïh dellie viht åahpenigan. – Voej Piere, læhkoe lij datne dam skuvlesne leareme, voen ennje lægan skåajjesne tjaajanamme, Maarja aavone jeehti. – Gujht datne væjkeles Maarja, juktie jokngh bihkih. Dïhte ålvas njaelkie fïerske muerjieh aehtjien fïerske laejpesne, tjidtjie jeehti, gosse dah iehkedsbeapmoem tjöökesne byöpmedin. – Dellie gujht maehtede garhkebiesiem gijhtedh ahte mijjieh fïerske muerjieh daelie utnebe, Maarja jeehti jïh eelki soptsestidh maam lij deahpadamme. •