Mijjieh daebpene 1

94 Mïehtestahke Guktie daejrebe, dellie kaarhte sagke unniedamme rïektesen muhteste. Fïerhte kaarhtesne lea mïehtestahke mij vuesehte man jïjnje lea unniedamme rïektesen muhteste. Mijjieh tjoerebe daejredh mij mïehtestahke lea. Kaarhtesne mïehtestahke vueliehkommes. Vuesiehtimmien gaavhtan naemhtie: Mïehtestahke 1:15 000 000 1 cm kaarhtesne = 150 km eatnamisnie Sïejhme fealadimmie-kaarhtesne vuejnebe aaj mïehtestahkem naemhtie: Mïehtestahke 1:50 000. Dïhte sæjhta jiehtedh 1 cm kaarhtesne lea 50 000 cm eatnamisnie. Jis dam meeterinie ryöknebe, dellie sjædta daate 1 cm kaarhtesne 500 meeterh eatnamisnie. Daate mïehtestahke lea damtasommes gaajhkh fealadimmie- kaarhtine mejtie mijjieh skåajjesne nuhtjebe. Mubpene sæjrosne mijjieh ånnetji dejnie kaarhtine barkebe vuj dagkerh kaarhtine åahpenidh. Mïehtestahke vuesehte man jïjnje kaarhtem lea unniedam- me rïektesen muhteste.