Mijjieh daebpene 1

86 gåetie geajnoe baalka Kaarhtem guvviedidh Kaarhtesne eatnemem guvviedamme mij bijjede vuajneme. Kaarhtese gelkieh jïjnjh bïevnesh smaave sæjjan tjaakanidh. Mejnie tjuara kaarhte-guvviedæjja dellie barkedh? Aelhkiehtidh Guvviedæjja ij maehtieh gaajhkem meatan vaeltedh maam satne vuajna gosse ussjede kaarhtem guvviedidh. Dïhte tjuara aelhkiehtidh, dan gaavhtan ij leah sijjie gaajhkem guvviedidh maam vuajna. Dellie ij bïevnesh guvvedh mah eah leah dan vihkeles. Unniedidh Aath mejtie ussjede kaarhtese guvviedidh, tjuara unniedidh goh mij rïektesisnie. Dellie lea kaarhte- guvviedimmie mij eatnemem vuesehte, dovne aelhkiehtamme jïh unniedamme. Jis ussjedh veartene-kaarhten bïjre, dellie guarkah man jïjnjh dïhte lea unniedamme jïh aelhkiehtamme juktie sijjie abpe veartenem kaarhtesne. Symbolh jïh klaerieh Guvviedæjja nåhtede aaj symbovlh jïh klaerieh baakoeh sijjeste. Akte smaave symbole maahta jïjnjh soptsestidh aktene kaarhtesne jallh aaj klaerie soptseste viht maam akt jeatja. Kaarhtese lea sïejhme guvviedamme symbolh mah soptsestieh maam fïere guhte symbole jallh klaerie jiehtieh. Naan symbolh kaarhtesne Kaarhte lea akte såarhte gïele, kodagïele. Kaarhtesne gellie smaave guvvieh jallh symbolh mah soptsestieh jïjnjh lissie bïevnesh dej bïjre mah debpene gååvnesieh. Gosse mijjieh edtjebe kaarhtem lohkedh, dellie tjoerebe kodide damtedh mejtie guvviedæjja lea nåhtadamme. Kaarhtese aaj mearhkome gusnie noerhte lea. Daamhtaj lea noerhte kaarhtesne eejnegen bijjemes. Eah gaajhkh kaarhth seammalaakan kodem utnieh, men daesnie naan vuesiehtimmieh: jaevrie vaerie gærhkoe symbolh guvvieh jallh mïerhkh