Mijjieh daebpene 1

85 Mij lea kaarhte? Kaarhte vuesehte guvviedamme boelhkem eatnamistie, bijjiebieleste vuajneme. Daate boelhke lea sagke unniedamme rïektesen muhteste. Kaarhtesne lea sïejhme mïehtestahkemij rïektese stoeredahkem vuesehte kaarhten stoeredahken muhteste. Vuesiehtimmien gaavhtan maahta 1 cm kaarhtesne lea 10 m rïektesisnie. Dellie lea mïehtestahke 1:1000. Kaarhte mij jïjnjesh åehpies lea kaarhte tjengkere-tjïektjemesijjie. Desnie vuejnede tjïelke sijjien raedtieh, gogkoe dah måalh jïh jeatjah biehkieh. Gosse galkh kaarhtine barkedh, dellie sjiehteles guvviem viehkine utnedh. Dellie maahtah guvvie-rïektesem kaarhtine viertiestidh. Vuartesjh dam guvviem maam lea vaalteme elmeste muvhtene skuvle- sjaljeste. Guvvesne vuajnah buerie guktie lij dan biejjien gosse guvviem veelti. Guvviem garrah-bielesne, mij lea kaarhte, vuesehte raaktan dam seamma. Aaj dïhte vuesehte bijjiebieleste. Kaarhtesne ståapoeh, saedtie-belnieh jïh baalkah symboligujmie guvviedamme. Mij jeahta kaarhte lea aelhkiehtamme. Dïsse eah guvvedh almetjh jallh bïjlh, juktie dah eah leah dabran jallh ahkedh desnie. Dovne kaarhtem jïh guvviem leah unnie­ damme. Skuvle-sjalja ij dam sæjroem tjaakenh jis ij lij unniedamme. Kaarhten bijjiebielie lea eejnegen noerhtese. mïehtestahke vuesehte mïehte-joekehtsem kaarhten mïehte jïh rïektesen mïehte. V.g. 1:1000 akte centimeetere kaarhtesne lea 1000 centimeeterh eatnamisnie. 1000 cm lea seamma goh 10 meeterh.