Mijjieh daebpene 1

73 Eatneme lokngesi Minngemes jïenge-aejkien mænngan mij akt deahpadi maam gohtjebe eatneme-lokngesimmie . Stoerre jassijes, löövles jiehkie sjalkagööti, jiehkie-diedteme geahpani jïh eatneme lokngesi. Mearoe dålvoeji, men eatneme jïjnje lokngesi. Dïsse mïsse mearoe nööri gosse jiehkie sjalkaji, gohtjesåvva marijne raaste. Dïhte lea faagkan bijjelen daaletje mearoe-daltese. Mijjieh maehtebe eatneme- lokngesimmiem vuesiehtidh dennie vuekesne: Mijjieh tjaetsiem klaase- læhtan dievhtebe guktie buerebe vuejnebe maam deahpede. Dan sïjse svampem bïejebe jïh dan nïlle viht jïenge-biehkiem. Mijjieh vuejnebe jïenge-biehkie svampem tjaetsien nualan deadta. Jïenge sjalkoe jïh geahpene. Dellie vuejnebe svampe lokngese. Seammalaakan eatneme dorje. Gosse jiehkie sjalkagööti, dellie eatneme lokngegööti. Dam aaj daelie dorje, men dïhte dan mojhteleslaakan jïh soejmi deahpede, ibie mijjieh dam vueptesth. Muvhtine sijjine jienebe lokngesieh enn jeatjah sijjine. dålvodh mearoen tjaetsie lokngesi, læssani marijne raaste mearoeraaste jïenge-biehkie biehkie jïengeste vueptiestidh vuaptan sjïdtedh Stuorragurra Mázesne. Dotkijh jaehkieh dårretje sjïdti gosse eatneme lokngesi jïenge-aejkien mænngan. Dårretje 8 mïjlh guhkies jïh gïengielommes 8 meeterh gïengele.