Mijjieh daebpene 1

72 Saepmie mijjen jïjtjemh dajve. Dïhte guhkene noerhtene veartanisnie jïh gaskoeh Eurasijen eatneme-platen nelnie. Dan gaavhtan eah leah eatneme-saljnemh jïh vulkaanh Saepmesne. Saepmien guhkies mearoe-gaedtie. Mearoe-gaedtesne dovne såålh, njuanah jïh fjovlh mejtie jïenge-aejkie lea guhkies aejkien mietie jarkerosteme . Saepmienjolle vaerieh jïh gaejsieh leah sjïdteme dennie aejkesne gosseeatneme-plahth sinsitniem dievviedin. Dennie aejkesne Saepmien vaerieh lin seamma jolle goh Himalayanvaerieh. Bïegke, jïenge jïh ebrie jïh lopme leah vaeride skoepenadteme guktie daelie eah dan jolle. Gosse ij lopme giesege sjalkah, jïh jaepeste jaapan dïedtesieh, dellie lopme jïengine sjædta. Jïenge stuerebe jïh jassajåbpoe jaepeste jaapan, jïh minngemes jiehkiem sjædta. Jiehkie lea dïhte stoerre, jassijes jïenge mij eatnemem gaptja. Medtie 20 000 jaepieh juassah lij abpe Saepmie jiehkien nuelesne. Dïhte jiehkie, mij muvhtene sijjine lij gellie kilomeeterh jassijes, mijjen eatnemem hammoedi. Aejkien mietie gellie jïenge-aejkieh orreme. jïenge-aejkie aejkie gåessie jiehkie sjædta eatnamisnie jarkerostedh hammoedidh mmb meetere mearoen bijjelen Giebmegáisi/Kebnekaise lea sveerjen Saepmien jollemes vaerie. Dïhte lea 2106 mmb jolle. Dïhte vaerie lea lehkie vaerie-raajroste mij sjïdti gosse eatnemh sinsætnan plåevhkiehtin. Dah vaerieh, Rosse, daan biejjien raaste Sveerje jïh Nöörje gaskem.