Mijjieh daebpene 1

7 Seabredhmaahtoe dïhte maahtoe seabradahken bïjre gusnie mijjieh hööllestibie. Seabredhmaahtoe lea maahtoe almetji bïjre jïh guktie mijjieh galkebe sjïehtesjidh ihke maehtebe hööllestidh jïh jieledh sijjine ektesne. Dannasinie vihkeles ahte mijjieh bïevnesh ohtsedibie daej bïjre. Dannasinie daerpies mijjieh jeenh digkiedibie jeatjebigujmie. Mijjieh tjiehtebe soptsestidh jïh jeatjebi åssjalommesh govledh seabradahken aamhtesi bïjre. Dellie mijjieh maehtebe vuarjasjidh mij lea bööremes, jïh lïerehtalledh jïjtjemh åssjalommesh åvtese buektedh. Seabredhmaahtoe lea jeenebe goh maehtedh jïh daejredh. Seabredh­ maahtoe aaj pryjjedh. Mijjieh galkebe jïjtjemem pryjjedh, goh mijjieh vyörtegs, mohte galkebe aaj jeatjebh pryjjedh jïh krööhkestidh giejgujmie mijjieh ektesne jielebe, goh sijjieh aaj vyörtegs. Gaajhkesidïedte geehtedh ahte dah giejgujmie ektesne jielebe, jearsoesvoetem jïh buerievoetem domtoeh. Daennie boelhkesne lohkedh jïh lïeredh dan bïjre mij seabradahke lea, guktie seabradahkh sjïdtin jïh magkeres rollh mijjieh utnebe seabradahkesne. Seabredhmaahtoe Mijjieh tjiehtebe lïeredh sinsitneste. Mijjieh gidjth gaajhkesh daennie vearaldisnie ektesne. Mijjieh tjiehtebe sinsitneste lïeredh jïh sinsitniem viehkiehtidh. Jis ibie lïerh sinsitneste jïh ibie viehkehth sinsitniem, dillie libie dööpmesovveme. Kraevies aarhtse – Grey Eagle – Ken Jackson. Noerhte Amerijhken aalkoeåålmegedåehkeste.