Mijjieh daebpene 1

Ohtsije Lohkh maam tjåanghkan tjaaleme b. 64 jïh vaestedh. 1. Mah leah viermieseabradahkh. 2. Guktie maehtebe mijjieh viermieseabradahkesne meatan årrodh? 3. Magkerh viermieseabradahkh sïejhmemes? 4. Guktie sjeahta viermieseabradahkesne dåemiedidh? Darjoje 1. Mïnnh viermiebealan: dubestemmer.no jïh veeljh saemiengïelen boelhkem. Duebpene maahtah jeenebem lohkedh viermieåtnoen bïjre. Utnien bïevnesh mejtie daennie bielesne gaavnh jïh lohkehth jeatjabidie klaassesne jeenebe daan bïjre guktie maahta viermiem utnedh jearsoeslaakan jïh jiermijeslaakan. 2. Mij ïedtjide dov? Maam lyjhkoeh darjodh eejehtimmesne? Tseegkh muvhtem viermiebieliem gusnie almetjh maehtieh dov vaaroeh åestedh, jallh lohkedh dov ïedtji bïjre. Darjoeh logoem jïh hammodh daam ahte almetjidie murreds sjædta dov viermiebieliem lohkedh. Daammaahtah viermesne darjodh, mohte ij bæjhkohth. 3. Darjode bloggem destie goh vytnesjidie jallh maam akt barkede skuvlesne. Buerkiestidie vytnesjimmiem jïh barkoem, jïh guvviedidie jïh bæjhkoehtidie gaskevearman. 4. Vuartasjidie muvhth bloggh. Man bïjre dah tjaelieh? Mah almetjh moeneme? Dotkije 1. Goerede magkeres viermieseabradahkesne dov klaassevoelph meatan årroeh damtehtjommes jïh jeenemes. Darjode bïltediagrammem jïh buektede åvtese jïh digkiedidie illeldahkh klaassesne. 65