Mijjieh daebpene 1

60 Vaarah doekedh jïh åestedh heannede vïjrebe viermesne. Jeenh viermie­ seabradahkh jïh viermiebovrh faelieh ovmessie vaarah mejtie duekieh. Duebpenemaahta musihkem, filmh, vaarjoeh, IT-daeverh, spïelh, bïjlh, feelemh jïh jeenh jeatjah åestedh. Naakenh leah viermieseabradahkh tseegkeme gubpene maahta åtneldh- vaarjoeh jïh åtneldh-daeverh åestedh jïh doekedh. Hijven lea ahte naakenh sijhtieh daeverh doekedh daennie sijjesne goh daejtie slijredh. Sååjhtoe naakene dah daeverh daarpesjidh mejtie mubpie galka slijredh tsumhtsie­ deavese . Baanghkh viermiebielieh utnieh gusnie almetjh maehtieh sïjse tjaangedh ryöknemh maeksedh, löönemem ohtsedh jïh beetnegh sertedh. Viermiebaanghkh eejnegen gaahpode. Ööhpehtimmie maahta viermesne heannadidh. Jeenh jolleskuvlh jïh universiteeth faelieh almetjidie ööhpehtimmiem viermien baaktoe. Daate hijven daejtie gïeh hööllestieh guhkede daejstie sijjijstejallh staarijste gusnie universiteeth jïh jolleskuvlh mah ovmessie ööhpehtimmieh faelieh. Dah maehtieh viermien baaktoe ööhpehtimmiem dåeriedidh, lohkedh jïh lohkehtæjjine soptsestidh. Plaerieh, TV ja jeatjah medijah saernien dallegh vearman bæjhkoehtieh goh heannadieh. Dogkoe aelhkie lea tjaeliestidh, filmedh jallh soptsestidh jïh joekedidh dallegh goh lea heannadamme. Almetjh maehtieh aamhtesh jïh saernieh moenedh jïh digkiedidh mejtie vearman bæjhkoehtidh. tseegkeme aelkiehtamme tsumhtsiedeavese raatesæjjan sïjse tjaangedh meatan årrodh, sïjse mïnnedh jolleskuvlh jïh universiteeth skuvle jallh ööhpehtimmiesijjie gusnie naakenh aelkieh goh jolleskuvleste galhkoeh