Mijjieh daebpene 1

Ohtsije Lohkh maam tjåanghkan tjaaleme s. 54 jïh vaestedh. 1. Mij dïhte stoerreseabradahke? 2. Nommehth golme vihkeles faaleldahkh stoerreseabradahkesne! 3. Nommehth göökte vuartoeh mah leah seabradahkesne learohkerollen gaavhtan? 4. Mannasinie vigkieh sjidtieh almetji gaskemsh? 5. Mij dïhte irhkeme? 6. Guktie maahta irhkeme almetjh dijpedh gïeh daam dååjrehtieh? 7. Nommehth aktem vuekiem guktie irhkemem aeredh! Darjoje 1. Goerehtimmie: Goerehth almetjh giej jeatjah rollh datneste! Magkeres seabradahkerollh daej leah jïh guktie sijjieh jïjtsh seabradahkerollem dååjrehtieh jïh loevesjieh? 2. Hæhtadidie jïh darjode vuesiehtimmiem mesnie dijjen ovmessie rollh. Vuesiehtidie jeatjabidie. 3. Lohkede rïjhken plaerieh akten våhkoen! Mïerhkede guhtem rollem lea nommehtamme plaerine dan våhkoen! 4. Seabradahkesne daamhtah vigkieh bïehtsegieh almetji gaskemsh. Irhkeme lea stoerre tjoepere seabradahkesne jïh skuvlesne. Digkiedidie guktie maahta irhkemem orrijidh jïh aeredh seabradahkesne. Raeriestidie guktie daam loevesjidh mij maahta irhkemem aeredh dijjen seabradahkesne. 5. Veeljie vuajnoeh muvhtene aamhtesisnie lea hijven, goh dillie mijjieh åadtjobe digkiedidh jïh govledh jïh lïeredh jeenebem aamhtesen bïjre. Dillie daamhtah gaavnehtidh guktie vigkieh loevesjidh. Mah dijjen klaassesne aamhtesh mej gaavhtan idie latjkoeh? Digkiedidie aamhtesem/ aamhtesh/vigkieh dåehkine jïh voejhkelidie vigkieh loevesjidh! 6. Hæhtedh, hammodh jïh tjaelehth skyltem mesnie tjåådtje: HEERREDE IRHKEMEM! Dibrehtidie daam klaasserommen vïedtjese mujhtiehtimmine. Darhkije 1. Dotkede mij sjædta raatine dijjen tjïeltesne. Hammode gyhtjelassem, raeriestidie buerkiestimmieh, darjode soejkesjem jïh tjïrrehtidie dotkemem. Vierhtiedidie guktie jeatjabidie sjeahta daam åvtese buektedh mejtie lidie vueptiestamme: væhtaraajroe, guvvieraajroe, filme, plaerieartihkele, biejjiegærja, soptsese jallh jeatjah. 55