Mijjieh daebpene 1

Stoerreseabradahke Stoerreseabradahke lea ellies rïjhke jallh åålmege. Mijjieh daam gåhtjobe Nöörjen seabradahkine jallh Saemien seabradahkine. Stoerreseabradahke daejtie stoere barkojde geehteste mejtie mijjieh fuelhkesne jallh lïhkes seabradahkesne ibie buektedh oktegs tjïrrehtidh. Stoerreseabradahken darjomh Stoerreseabradahke galka almetjidie ööhpehtimmiem, healsoehoksehtimmieh, politijh, bovrh, geajnoeh faaleldh jïh IT-govlesadtemen nuepie galka gååvnesidh saaht gusnie rïjhkesne hööllestibie. Stoerreseabradahke galka daejtie geehtedh jïh faaledh gaajhken rïjhken jallh voengen årroejidie. Skuvle Maana skuvlem aalka dan jaepien goh 6 jaepieh illie. Skuvlesne jeenh learohkh, lohkehtæjjah, rektovre, bïssije, gåetieöörnije jïh viehkiebarkijh. Fïere guhte tjeahta sov rollem hijven gïetedidh juktie seabradahke jåhta. Dillie lea vihkeles ahte fïere guhte daajra mennie mieresne dïhte galka jïjtse rollem gïetedidh. Dov learohkerolle skuvlesne. Skuvleseabradahke vuarta ahte learohke leaksoeh dorje, tjaebpieslaakan jeatjah learohkigujmie jïh geerve almetjigujmie dåemede skuvlesne, jïh ahte dïhte skuvlen njoelkedassi mietie dåemede. Vigkieh jïh irhkeme Skuvlen jïh lïhkes seabra­ dahken darjomisnie jeenh maanah jïh noerh tjåenghkesne. Dillie maehtieh vigkieh jïh irhkeme bïehtsegidh . Vigkieh sïejhmetji leah jïh buerebh jis mijjieh daejtie gïetedallebe eensilaakan. Irhkeme lea goh naakenh voerkeslaakan daamhtah, jallh guhkiem daaresjidh , ålkoestidh jallh vestieslaakan dåemiedidh mubpiejgujmie. Dïhte mij destie båata maahta mubpien almetjen jielemem eerjedh, juktie satne ij maehtieh barkedh jïh gïetedidh sïejhmetji seabradahkesne. Irhkemem galka eejnegen bïeljelidh, jïh bööremes daam heerredidh soptsestimmien, sjïehtedimmien jïh dåeriedimmien baaktoe. Tjåenghkies-tjaalege 54 Irhkemem heerredidh DOV dïedte aaj gåetieöörnije dïhte gie skuvlen stuhtjh dovve; vïedtjh, klaash jallh tjovkepearah målsodh bïehtsegidh sjïdtedh, daaresjidh håasedh, tjarmedh jallh tjïektjedh