Mijjieh daebpene 1

52 Guktie irhkemem aeredh? Irhkeme eejnegen båastoeh. Muvhtine sååjhth govleme: “Ij leah rovnege dïhte irhkesåvva, satne dan soe rovnegslaakan dåemede.“ Jis mijjieh naemhtie jiehtebe, dle mijjieh libie dåarjoeminie dam jallh dah gïeh irhkieh. Datne galkh eejnegen bïeljelidh jis vueptesth ahte naakene irhkesåvva. Jis ih bïeljelh, dle datne jïjtje meatan årroeh dam irhkedh. Datne galkh eejhtegidie, lohkehtæjjide, rektovrese jallh jeatjah geerve almetjidie bïeljelidh skuvlesne. Gaajhki skuvli njoelkedassh mej mietie gelkieh dåemiedidh. Jeenji skuvli njoelkedassh mah bïhkemdieh guktie galka irhkemem heerredidh. Naakenh gelkieh sisnie årrodh boelhkine jïh jeatjah gelkieh sjïehtedimmiem tjaeledh man mietie dåemiedidh. Naakenh gelkieh lohkehtæjjah jallh eejtegh dåeriedidh skuvlesne. Gååvnesieh måedtieh såarhth raerieh dïsse. Dïhte vihkeles njoelkedassh tseegkedh dan gaavhtan mij heannede jis jeatjah irhkie. Dïhte aaj vihkeles ahte skuvle hijven byjresem geehtie jïh tseegkie gaajhkesidie. Klaassesne gusnie gaajhkesh jearsoes jïh voelph, jïh ij giem akt ålkosth magkeres vuekien mietie, ij leah irhkeme. Fïerhtene klaassesne kaanne gååvnesieh learohkh gïeh pryövoeh jeatjebh daltedh, dibledh jïh sïrredidh . Mohte jis lohkehtæjja jïh jeatjah learohkh eah baajh, eah luhpedh, eah dåhkesjh gih irhkemem, dle sååjhtoe irhkeme orrijidh. Dijjieh maehtede sinsitnine sjïehtedidh ahte idie irhkemem sïjhth dijjen klaassesne. Tjeahta soptsestidh klaassesne irhkemen bïjre jïh latjkedh ahte mijjieh ibie irhkemem sïjhth mijjen klaassesne. geerve almetjidie ålles sjædtojde byjresem skuvletsiehkie, lïereme­ tsiehkie sïrredidh ålkoestidh sinsitnine jïjtsh gaskemsh