Mijjieh daebpene 1

51 learohki, eejhtegi, lohkehtæjjaj jïh rektovren dïedte irhkemem aeredh jïh orrijidh. Guktie irhkeme tsavtsa Irhkeme lea ålvoes aamhtese daejtie gïeh daam dååjrehtieh. Irhkeme maahta mubpien almetjen jïelemem eerjedh naemhtie ahte dïhte geerve almetjinie ij maehtieh sïejhmetji barkedh jïh gïehtelidh seabradahkesne. Irhkemen göökte bielieh. Akte lea dïhte gie irhkesåvva jïh mubpie lea dïhte, jallh dah gïeh irhkieh. Dïhte gie irhkesåvva, maahta psykihken tjoeperh evtiedidh mah ryöhkoeh guhkiem dan mænngan goh irhkeme lea orrijamme. Dïhte maahta oktegs jïh löövles vaejviem damtedh. Dïhte maahta aaj damtedh ahte ij satne vyörtegs jïh satne nåekies almetje. Dïsse lissine maahta dïhte ussjedidh aemieluesedh . Muvhtine lea heannadamme ahte noerh gïeh leah guhkiem irhkesovveme, leah jïjtjemse åemiedamme. Dïhte jallh dah gïeh irhkieh, maehtieh vuekieh evtiedidh guktie skovhtjedh maam seabradahke ij dåhkesjh. Dah maehtieh årrodh dahkoeh mah tjarke jeatjebh dijpieh, vuesiehtimmien gaavhtandaaresjimmieh , aajhtoeh, gaajegostemh jïh jeatjah laakemeadtoeh . Dïhte gie irhkesåvva, oktegs jïh löövles vaejviem damta. Dagkeres domtesh maehtieh guhkiem ryöhkedh. geerve almetjinie ålles-sjædtoe evtiedidh åadtjodh psykihken tjoeperh tjoeperh jallh skïemtjelassh mah domtesh jïh mïelem dijpie oktegs damtedh dïhte oktegs, ij ektesne årroeh jïh murredh jeatjah almetjigujmie aemieluesedh jïjtjemse åemiedidh daaresjimmieh håasedh, tsielhkedh jïh jeatjah vuekien mietie mubpiem almetjem fysihken laarhkodh laakemeadtoeh kriminaliteete