Mijjieh daebpene 1

49 Muvhtine vigkieh bïehtsegidh mah sjidtieh dan soe garres ahte dåårijidh. Soptsestidh vigkiej bïjre jïh aamhtesh tjïelkestidh lea hijven vuekieh vigkieh loevesjidh. Vigkieh Seabradahkesne gaajhkh almetjh ektesne jielieh. Dillie maehtieh vigkieh bïehtsegidh. Vigkieh sjidtieh goh almetji ovmessie vuajnoeh aktene aamhtesisnie. Veljie vuajnoeh utnedh lea hijven jïh dan soe sïejhme, ij dïhte gan feerlege. Daate hijven almetjh veljie vuajnoeh utnieh, goh dillie maehtieh digkiedidh jïh sinsitneste lïeredh. Veljie vuajnoeh feerlege sjædta jis dah aelkieh måarahtovvedh jïh tsælloehtidh. Muvhtine heannede ahte dah dåårijieh aaj. Dillie mijjieh tjïehtebe buerie vuekieh lïeredh jïh nuhtjedh guktie vigkieh loevesjidh. Soptsestidh jïh låasedh bööremes vuekie guktie vigkieh loevesjidh. Læjhkan ij dïhte aelhkie jis måarahtovveme. Maahta murreds årrodh jis dah guaktah gïeh lægan saknahtovveme gåabpegen sæjjan mïnnijægan. Dillie fihkijægan ånnetje sjaavodh jïh ussjedidh aamhtesen bïjre. Soptsestimmeste gåabpegh bielieh galkijægan damtedh ahte dah guaktah lægan fuakeme raerine. Vigkieh jïh irhkeme seabradahkesne