Mijjieh daebpene 1

45 Juhan Niilas lea toelhke. Daesnie dïhte lea muvhtem lustes soptsestem toelhkesteminie. Almetjh gïeh tjåanghkosne soptsestieh, tjiehtieh mikrofovnese soptsestidh. Juhan Nii- las gåvla maam dah jiehtieh, jïh sijjien håalemem jarkoste mubpien gïelese. Dah gïeh toelhkestimmiem daarpesjieh, bealjesh utnieh gusnie guvlieh maam Juhan toelhkeste. Toelhkestimmiedïenesje Seabradahkesne jeenh gïelh govloeh. Saemiengïele jïh daaroengïele leah Nöörjen byjjes gïelh. Daate sæjhta jiehtedh ahte gaajhkesh gelkieh maehtedh gåabpatjahkem gïelem utnedh gaajhkene byjjes nuepesne jïh tsiehkesne juktietjïeltengåetesne, tjåanghkojne jïh dåakteren luvnie. Gaajhkesh gelkieh maehtedh govlesadtedh daennie gïelesne mejtie sijjieh pruvhkieh utnedh. Læjhkan eah gaajhkesh gåabpatjahkem gïelem guarkah. Daelie toelhkem daarpesje. Toelhke galka dovne daaroengïelem jïh saemiengïelem toelhkestidh. Dïhte tjeahta gåabpatjahkem gïelem maehtedh joekoen hijven. IT Jeenh seabradahkedarjomh mijjieh maehtebe jïjtjh barkedh. Dïsse IT- govlesadteme nuepieh daarpesjibie. Mijjieh maehtebe ryöknemh maeksedh gaskeviermien baaktoe, jïh mijjieh maehtebe vaaroeh åestedh gaskeviermien baaktoe. Ånnetje dle jeenh seabradahkedarjomh gaskevearman sertesuvvieh. Duebpene mijjieh jïjtjh maehtebe daejtie loevesjidh, goeredh jïh dåeredh. gåabpatjahkem gåabpasuhkem govlesadtedh soptsestidh, jiehtedh, digkiedidh