Mijjieh daebpene 1

37 Aajtoe-hööptijh jïh vaarjelimmie­ suerkie Aajtoe-hööptijh jïh vaarjelimmiesuerkie galka hööptedh jis årromesijjie jallh bigkie buala. Dan lissine galka tjïelten åålmegem jïh kreekh vaarjelidh goerpine juktie stoerre dulvine jïh jeatjah eatnemegoerpine . Aajtoehööptijebïjlesne gelkieh årrodh gaajhkh deerpesnohkh jïh vaarjelimmieh mejtie vaarjelæjjah daarpesjieh. Dah gelkieh lïeredh jïh haarjanidh dagkeres feerlege barkoem maehtedh loevesjidh. Aajtoehööptijh jïh vaarjelimmiesuerkie galka aaj learoehkidie jïh jeatjabidie ööhpehtidh guktie aajtoehööptemedïrregh nuh­ tjedh jïh guktie dah gelkieh aajtoem hööptedh . Aajtoehööptije aajtoem hööpteminie. vaarjelidh gorredidh jallh viehkiehtidh eatnemegoerpine alvas deahpadimmie mij eatnamisnie heannede. V.g. dulvie, væjroe, eatnemesalnjeme, baajkoe, gajhkadahke, garre orkaanh mah gajhkoeh jïh biejstieh. vaarjelimmieh deerpesnohkh jïh vaarjoeh mah vaarjelieh vaahraj vööste v.g. dållen vööste. vaarjelæjjah almetje gie mubpiem viehkehte feerlege sijjeste, v.g. aajtoste. aajtoehööptemedïrregh deerpesnohkh mejtie daarpesje goh galka aajtoem hööptedh, v.g. pulvereapparaate jïh sjïere vaarjoeh mah dollem tööllieh. hööptedh aeredh maam akt heannadidh