Mijjieh daebpene 1

35 Tåamma jåhta Snåasese Tåamma tjahkesje tjïehtjelisnie. Dïhte tjahkesje jïh ussjede ahte daam tjïehtjelem tjeahta laehpedh. Daam tjïehtjelem gusnie Manchester United guvvieh gævnjasjieh jïh man oksem dïhte lea gellien aejkien tjïektjestamme steegkeldahkesne goh aehtjie lea aalkeme dïeredh. Jåvna jïh Krïhke båetiejægan sïjse... Jåvna: Guktie datnine Tåamma? Tåamma: Naa.. Jåvna: Mah vaejvie dov? Tåamma: Kaanne.. Jåvna: Mannasinie naemhtie? Krïhke: Mij lea heannadamme? Mah dov vaejvieh? Tåamma: Na. Tjïehtem juhtedh. Krïhke: Juhtedh? Gåabph? Tåamma: Snåasese. Jåvna: Guktie jis naemhtie? Tåamma: Na, tjidtjien barkoe lea dogkoe juhtieminie. Jïh goh aehtjie barka Saemiedigkesne, dle sjeahta Snåasese juhtedh. Krïhke: Mohte, gah datne sïjhth juhtedh Snåasese? Tåamma : Im sïjhth gænnah! Eakan mannem gihtjh mejtie manne sïjhtem. Jåvna: Snåasesne joekoen tjaebpies voejedimmiegåetie. Krïhke: Duebpene aaj gïerestimmiedeava. Tåamma: Mohte duebpene eah leah mov voelph. Jåvna: Ih goh vïenhth mijjieh dogkoe guessine båetebe ? Krïhke: Ij gujht bussine aajenh goh måedtie tæjmoeh Snåasese. Jåvna: Jïh datne maahtah aaj diekie båetedh muvhtine. Tåamma: Nov. Lean gujht daam ussjedamme. Mohte læjhkan im sïjhth juhtedh. Im giemhk damth duebpene. Krïhke: Mov vielbielie duebpene. Jïh dïhte seamma båeries mijjeste. Tåamma: Mah dïhte provhkoe tjoejkedh? Krïhke: Provhkoe goh tjoejkedh? Datne daam damth! Kenneth gie daesnie mïnni jåvli aejkiej. Dïhte meatan orre daennie ILAR-öörnegisnie. Tåamma: Doete tjoevkes voepth baernie? Krïhke: Dïhte hov. Jåvna: Manne aaj daam måjhtam. Dïhte gïemhpe årroeji. Krïhke: Dïhte gïemhpe. Dov mahte voelpe Snåasesne joe!