Mijjieh daebpene 1

34 Mij dïhte stoerreseabradahke? Gaajhkesh gïeh hööllestieh muvhtene rïjhkesne jallh vijries dajvesne, leah lïhtsegh stoerreseabradahkesne. Mijjieh daam gåhtjobe Nöörjen seabradahkine jïh Saemien seabradahkine . Stoerreseabradahken lïhtsegh maam akt ektesne utnieh. Dah jielieh ektine seamma dajvesne jallh rïjhkesne, jïh sijjen tjåenghkies njoelkedassh mah soptsestieh guktie sjeahta sinsitnine dåemiedidh. Stoerreseabradahke geehteste dah stoere barkoeh mejtie mijjieh fuelhkesne jallh lïhkes seabradahkesne ibie buektedh radtjoestidh. Dagkeres barkoeh leah gaskem jeatjahgeajnoeh darjodh, almetji healsoem jïh vihtiesvoetem geehtedh, raath gïetedalledh jïh maadthööhpehtimmiem faaledh åålmegasse dovne saemiengïelesne jïh daaroengïelesne. Muvhtine almetjh juhtieh jïh orrijieh jeatjah dajvide Saepmesne jallh Nöörjesne. Stoerreseabradahke galka seamma hoksehtimmieh faaledh saaht gåabph almetjh juhtieh. Barkoe darjojem garmerde geehteste barka, tjïrrehte