Mijjieh daebpene 1

18 Seabradahken rollh Mijjieh daejrebe teateredorjehtæjjan leah jeenh rollh. Muvhtine dïhte lea baernie, jeatjh aejkien dïhte lea politije, jïh jeatjh aejkien dïhte lea tjidtjie. Seammalaakan dov aaj. Dov jeenh rollh seabradahkesne. Datne sååjhth leah learohke, mohte gåetesnedatne leah maana jallh baernie jallh nïejte. Jeatjh aejkiendatne voelpe , aahkove/aajjove jallh neapede. Muvhth rollh ibie maehtieh jïjtjh veeljedh. Daejtie libie mijjieh reakadamme. Dah leah tjoelerolle jïh åålmehtjïerten rolle. Datne reakedh baernine jallh nïejtine jïh saemine, soemelassjine jallh arabelassjine. Jeatjah rollh mijjieh laehpebe jïh muvhth rollh åadtjobe aejkien mietie, gosse stuerebe sjïdteme. Daelie datne annje maana, mohte muvhtenejaepesne datne leah noere. Muvhth rollh jïjtjh veeljebe. Geerve almetji rolle sïejhme lea dan mietie magkeres barkoe dej lea. Snæhkere, båatsoeburrie, vytnesjæjja jallh bovrebarkije leah dagkeres rollh. Goh eah leah barkosne jallh darjomisnie, dillie dej jeatjah rollh. Tjidtjie maahta barkosne direktöörine årrodh, mohte eejehtstïjjesne satne lea tjidtjie, gåmma jallh ektiejielije , voelpe jallh guvviedæjja. Seabradahkerollh leah almetji darjomh seabradahkesne. teateredorjehtæjjan almetje gie vuesiehtalla/dorjehte muvthem rollem teahterisnie voelpe vïene ektiejielije giejnie dïhte ektesne höölleste, jallh sotnen leah maanah ektesne Guevviedæjja.