Mijjieh daebpene 1

152 Oslo – Nöörjen åejvie-staare Oslo Nöörjen stööremes staare jïh aaj fylhke, tjïelte jïh åejvie-staare. Daennie staaresne eah leah guhkies johkh jallh jeanoeh jallh stoerre jaevrieh, jïh ij gan jolle vaerieh. Staare Nöörjen unnemes fylhke stoeredahken mietie. Nöörjen mubpien unnemes fylhke, Vestfold, vïjhten giertien stuerebe. Oslo åejvie- staare dan gaavhtan desnie reereme jïh Nöörjen Stoerredigkie, jïh aaj gånka desnie årroeminie. Stoerredigkie jïh reereme Nöörjem stuvrieh. Lokalisereme jïh veasoeh Aelhkie guarkedh dahkoe staare sjïdti. Åesiemaennieh meehtin gaavnedidh gellie gïeh sïjhtin åesiestidh. Seamma sienten aelhkie jeatjah sijjide fealadidh Åarjel-Nöörjesne jallh staaride Europan rïjhkine. Gellieh dahkoe orrijin guktie dah deejrin aelhkie åesies-vaarah dahkoe foeresjidh jïh åestijh dahkoe böötin. Jeenjemes åesiestæjjah fjovlen lïhke jielieh. Staare-jarngen noerhtebielesne Osloen reeremegåetie.