Mijjieh daebpene 1

146 Hedmarhke – moerine sjåvva Hedmarhke aaj maadterisnie- fylhke. Debpene leamoes giesieh jïh jueskies daelvieh. Østerdalen fylhken tjïrrh jåhta noerhtede Tynseteste jïh Kongsvingerasse åarjene. Dennie vuemesne Glomma galka, mij lea Nöörjen guhkemes jeanoe. Hedmarhke lea Åarjel-Nöörjen stööremes fylhke. Dan lea guhkies raaste Sveerjen vööste jïh golme jeatjah fylhkide. Noerhtene fylhkesne stoerre ruhtjie man lea tseagkoeh vïedtjh. Dïhte orre goh lij tjoehpestamme, jïh dan gaavhtan nommem Jutulhogget åadtjoeji. Jaepiej mietie sjïdti jïenge-aejkesne gosse jïjnjh tjaetsie ruhtjiem hammoedi. Miesiemearhkome Svahken sïjtesne, Hedmarhke.