Mijjieh daebpene 1

Tjåenghkies- tjaalege Mij dïhte seabradahke? Seabradahke lea goh almetjedåehkie damta sijjen lea ektievoete man akt vuekien mietie. Maahta årrodh dah hööllestieh seamma dajvesne jallh rïjhkesne. Daate ektievoetedomtesem jïh jearsoevoetedomtesem gååske. Guktie seabradahkh sjïdtin? Seabradahkh sjïdtin goh almetjh ektesne stoerredyjrh jïh mearoedyjrh eelkin vijredh. Dah tjïehtin laavenjostedh ihke bïerkenieh. Aejkien mietie dah aktene orrijin jïh ektievoetedomtesem jïh sjïere vuekien evtiedin. 14 Ovmessie seabradahkh Fuelhkie jïh slïekte, lïhkes seabradahke, stoereseabradahke, veareldenseabradahke, viermieseabradahke leah seabradahkh gusnie mijjieh jielebe jïh barkebe. Fuelhkie jïh gåetie leah mijjen lïhkesadtjh. Lïhkes seabradahke jåhta duebpene gusnie datne hööllesth. Stoereseabradahke lea ellies rïjhke jallh vijries dajve. Veareldenseabradahken lïhtsegh leah gaajhken vearelden åålmegh. Viermieseabradahke jåhta gaskeviermesne.