Mijjieh daebpene 1

136 Aust-Agder – giesie-turisth Agder nomme maahta jiehtedh "eatneme mij mearose læhpesje" jïh dïhte Agder fylhkide sjeahta. Dïhte eatneme goh njuenine Noerhtemearose læhpesje jïh Nöörjen åarjemes dajve. Aust- Agderen fylhke-vaeknie viskes fealloeh rööpses betnesne. Dïhte mojhtestahta mejtie fealloeh fylhkese sijhtieh jiehtedh. Mearoste vaeride Aust-Agder lea siegkies jïh guhkies mearoste jolle vaeride. Daamhtaj Aust-Agderem golme lehkide juaka: mearoe-gaedtie, skåajje jïh Setesdal. Dan vuemien mietie Otrajohke galka, jïh gellie sijjieh tjaetsiem elfaamoe- dorjemasse nåhtede. Setesdalesne Evje, mij lea åehpies, sveekes gierkiesåarhti jallh mineraali gaavhtan. Desnie maahtah mineraale-såafoem vaaksjoestidh. Evjesne maahtah ovmessie sveekes mineraalide åestedh. Mineraalh dan sveekes almetjh dejtie sualadieh.