Mijjieh daebpene 1

132 Rogalaante – ålja jïh mielhkie Jæren eatneme, gierkie-giedtieh jïh sjædtoe-åaja. Rogalaante maehtebe njieljie lehkide juekedh. Åarjemes lea Dalane. Novh goh nomme daaroengïelesne jeahta, desnie jïjnjh smaave låemieh eatnamisnie. Noerhtebielie viht Jæren. Jalke dajve mij jaehkemes Nöörjen ræjhkoesommes laanteåburriedajve. Jæren lea laantestuhtjide juakeme gierkie-haakenigujmie . Gierkie- haakenh soptsestin almetjh aejkien mietie eatnaminie barkeme. Ellies Jæren lea saedtie-åårke eatneme jïenge-aejkien mænngan. Åvteli lij löövles barkoe dejtie gierkide tjaavhkestidh, men daen biejjien maskijnh nåhtadieh. Gïjre aareh Jæren dajvese båata, jïh dïhte hijven laante- bårran. Gosse Jæren-båantaj pearah sjïdtedahteme, dellie daamtaj ennje buerie tjoejkeme-daelhkie gellie sijjine Nöörjesne. Ryfylhke lea dïhte gåalmede lehkie Rogalaantesne, mij lea Bokna-fjovlen bïjre. Njealjeden lehkie Haugalaante lea Haugesunden bïjre.