Mijjieh daebpene 1

130 Hordalaante – gaskoeh Jillie-Nöörje Hordalaante lea Nöörjen jillemes fylhke jïh lea gaskoeh Jillie-Nöörje. Hordlaante maahtah vïjhte lehkide juekedh. Åarjemes Hardanger, mij lea Hardangerfjovlen bïjre. Hardangerdoedtere lea Nöörjen jollemes doedtere. Hardangeren noerhte-bielie lea Voss. Dïhte lea eatnamen sisnjemes gusnie jïjnjebe skåajjh enn jeatjah sijjine fylhkesne. Jeatjah lehkieh leah mearoe-gaedtesne Sunnhordalaante, Midthordalaante jïh Nordhordalaante. Hordalaante nomme maahta båetedh dovletjen almetje-tjïerte “hordar” mij sæjhta jiehtedh soldaath jallh ålma gie vervesne. Hordalaante dïhte rïjhke gusnie soldaath jallh vervies ålmah årroeh. Eatneme Hordlaantesne lea gellietåvsenh såålh, gïengeles fjovlh, vuemieh jïh tseagkoeh vaerieh. Ij gogkoe gan guhkebe enn 50 km mearose jallh fjovlese. Hardangeren sisnjemes lea Nöörjen åarjemes jiehkie, Folgefonna. Jillie-Nöörje jïh Hordalaante lea damtoes jïjnjh ebriej jïh gertjiejohki gaavhtan. Fïerhten jaepien Hordalaantesne jïjnjem obre jïh tjuatsa, medtie 4000 millimeeterh, mij lea 4 m. Bergen