Mijjieh daebpene 1

129 Sogn jïh Fjordane Stoeredahke 18 623 km 2 Jollemes vaerie Store Skagastøls- tind 2406 mmb Stööremes sååle Smøla Guhkemes johke Lærdalselvi Stööremes jaevrie Hornindalsvatnet (Europan gïengielommes jaevrie, 514 m vaevlesne) Åålmege-låhkoe (2013) 108 800 Tjïelti låhkoe 26 Europan guhkemes fjovle Sognefjovle/Sognefjorden Nöörjen stööremes jiehkie Jostedalajiehkie Stööremes sååle Florø Fylhken åejvie-staare Leikanger Veasoeh jïh årrome Veasoeh daennie fylhkesne lea guelie- eeleme, turisme-veasoe, laanteburrie jïh gellielaakan smaave industrijh. Sogn jïh Fjordane lea elfaamoe-fylhke. Debpene jeenjemes elnjuvviem Nöörjesne darjoeh. Jolle vaerieh tjaatsan stoerre faamoem vedtieh, jïh jïjnjh obre, dïhte aaj vadta jïjnjh elfaamoem. Mahte gaajhkesh Sogn jïh Fjordanisnie jielieh muvhtene fjovle-gaedtine. Almetjh dan bårrode årroeh jis jeatjah fylhkine mohtedidh. Fylhken stööremes staare lea Florø. Dam sijjiem, guktie gellie sijjieh mearoe-gaedtesne, tseegkin dellie goh lij veljies siltieh mearosne. Diekie aaj siltieåålje-fabrihkem bigkin. Sogn jïh Fjordanisnie lea geerve geajnoeh darjodh juktie vaerieh dan tseagkoeh jïh fjovle-mïeren dan krahtjoeh. Dah fjovlen mietie fealadieh, jïh daaletje aaj elmesne. Spaajhtevïnhtsh juhtieh fjovli mietie, jïh fylhkesne njieljie smaave girtie-sijjieh. bårrode oktegs, bårras dajvine elfaamoe elektrijen faamoe elnjuvvie elektrisitehte guelie-eeleme giedtie mearosne gusnie guelieh bïepmehtidh