Mijjieh daebpene 1

120 Nordlaante – guhkemes jïh jissiehtsommes ussjedamme gievlie ij vååjnoes sïeve jemhkeldstïjje sjuevnjeds-tïjje eatneme-haemieh dajvh v.g baektieh, mearoe, jaevrieh, vuemieh jiehkie ihkuve jïenge fealadimmieh man mietie maahta juhtedh, v.g geajnoe, mearoe, jeanoe, baalka Nordlaante Nöörjen guhkemes fylhke, bijjelen 50 mïjlh guhkies. Nordlaante daamhtaj vïjhten dajvese juekebe. Åarjemes dajve Helgelaantem gohtjebe. Noerhtede Saaltedoedtere gohtjebe viht Sáltun. Ofuohta-vuona bïjre gohtjebe Ofuohtam. Dan ålkoebielesne lea Vestarális jïh Lofuohta. Saelhtiedoedteren baaktoe ussjedamme gievlie jåhta maam mijjieh Polare- gievliem gohtjebe. Gievlien noerhtelen mijjieh jïjjegåårtese-biejjiem vuejnebe giesegen, jïh daelvegen jemhkeldstïjje dan sïeven noerhtelen. Dellie ibie biejjiem vuejnieh. Nordlaanten eatnamisnie gaajhkh eatneme-haemieh gååvnesieh. Duvvene jïjnjh såålh. Dajven sisnjemes viht tseagkoeh vaerieh. Nordlaanten gaskesne gaavnebe Nöörjen mubpien stööremes jiehkie , man nomme Svartisen. Mearoe lea eejnegen vihkeles orreme almetjidie Nordlaantesne. Gosse mearoe-gaedtie dan guhkies, dellie mearoe dan vihkeles sjædta barkoe-sijjide jïh fealadimmide .