Mijjieh daebpene 1

12 Ovmessie seabradahkh Fuelhkie, gåetie jïh slïekte leah mijjen lïhkemes jïh unnemes seabradahke. Fuelhkielïhtsegh mijjieh bööremes damtebe, jïh sijjieh leah mijjen lïhkesadtjh. Lïhkes seabradahke daate sijjie jallh dajve gusnie datne jïh dov fuelhkie höölleste jïh barka fïerhten biejjien. Lïhkes seabradahki lïhtsegh leah gaajhkesh gïeh hööllestieh seamma voengesne jallh tjïeltesne goh datne. Stoereseabradahke lea Nöörje jïh Saepmie. Gaajhkesh gïeh hööllestieh Nöörjesne jïh Saepmesne, leah stoere­ seabradahken lïhtsegh goh sijjieh seamma dajvesne jïh rïjhkesne ektesne hööllestieh. Veareldenseabradahke lea stööremes seabradahke. Gaajhkh vearelden åålmegh leah vearelden­ seabradahken lïhtsegh, goh mijjieh gaajhkesh hööllestibie seamma vearelde­ tjengkierisnie. Dah gaskesedtieh jïh ektesne berkieh aamhtesh loevesjidh mah ellies veareldem dijpieh. Dagkeres aamhtesh maehtieh årrodh eatneme­ gåetie hïejme Lïhkes seabradahke.