Mijjieh daebpene 1

111 Nöörjen lehkieh Nöörje mijjen jïjtjemh rïjhke. Dïhte lea gaavnjoeh jïh siegkies. Nöörje 3 000 miljovnh jaepieh juassah sjïdti. Daate eatneme man nelnie mijjieh vaedtsebe, lea ikth gïengelisnie eatneme bijj-aehpien nualan sjïdteme. Dah vaerieh medtie 500 millijovnh jaepieh juassah sjïdtin. Dellie Eurasijen eatneme-plate Noerhte-Amerijhken eatneme-platem plåevhkiehti jïh destie gellie tåvsenh meeterh jolle gaejsieh jïh vaerieh sjïdtin. Dan lissine jolle temperatuvre jïh jolle dïedte eatnemen sisnjelds aaj vaerieh darjoejin. Dennie tïjjesne Saepmien vaerieh lin seamma jolle goh Himalayan vaerieh. Bïegke, jïenge jïh ebrie jïh lopme leah vaeride skoepenadteme guktie daelie eah dan jolle. Muvhtene sijjine lea eatneme viht vååjeme. Dubpene leah daelie goelpene jïh jalkede eatneme. Nöörjesne lea mearoe-gaedtie, skåajjh, vuemieh, doedterh, fjovlh jïh goelpenh. Gaajhkh dejtie lea jiehkieh jïh eatneme-lokngesimmie hammoedamme. Nöörjesne dovne baajkoe daelvieh jïh baahkes giesieh. Nöörjem maehtebe 5 laante- lehkide jïh 19 fylhkide juekedh. Daennie boelhkesne maahtah lohkedh jïh lïeredh vielie gaajhki fylhki bïjre jïh gusnie dejtie kaarhtesne gaavnh. Laante-lehkieh • Noerhte-Nöörje • Gaske-Nöörje • Jillie-Nöörje • Luvlie-Nöörje • Åarjemes-Nöörje Noerhte-Nöörje Luvlie-Nöörje Gaske-Nöörje Jillie-Nöörje Åarjemes-Nöörje